Dymuna Bwrdd Ymddiriedolaeth Cadwraeth Adeiladau Cadwgan a Staff Castell Aberteifi estyn eu cydymdeimlad dwys i deulu a ffrindiau'r diweddar Jann Tucker MBE.

Roedd Jann yn un o’r ymddiriedolwyr gwreiddiol, sefydlodd yr elusen, gan gymryd y Gadair yn 2005 ar ôl y diweddar Trevor Griffiths. Parhaodd Jann yn y rôl hyd 2016 a bu’n greiddiol i ddatblygiad strategol ac ymarferol y Castell wrth ei adfer. Drwy’r cylchoedd codi arian a’r broses ail-gynllunio ac ail-adeiladu’r safle, bu’n gefn i bob cam hyd at y lansiad yn 2015 a’r cyfnod wedi hynny. Roedd hi’n benderfynol ac yn gryf ei barn wrth ddelio â chyrff allanol gan fynnu gyrru’r adfywiad yn y Castell hyd at y canlyniad llwyddiannus welwn heddiw.

Fe’i hanrhydeddwyd gydag MBE yn rhestr anrhydeddau Ei Mawrhydi Brenhines Elizabeth II yn 2014, am ei chyfraniad i dreftadaeth Ceredigion.
Roedd ei chyfraniad i’r Castell yn eithriadol bwysig ac fe saif y safle heddiw yn ei ogoniant fel tysteb i’w dyfal barhad a’i gwaith caled.